ITALI – Një vejushë 37-vjeçare është kapur duke kryer marrëdhënie seksuale me të dashurin e saj, pikërisht mbi varrin e bashkëshortit, në Nolano të Italisë. Lajmi është bërë i ditur nga faqja retenews24.it, sipas të cilës gruaja dhe i dashuri i saj kishin zgjedhur pikërisht varrezat si vendtakim, për të fshehur lidhjen e tyre. 
Mësohet se i dashuri i 37-vjeçares është pikërisht punëdhënësi i saj, i cili është i martuar dhe ka edhe fëmijë. Ndërkohë gruaja ka mbetur e ve prej disa vitesh, kur bashkëshorti i saj humbi jetën në një aksident rrugor. 
Sipas retenews24.it, çifti kishte kohë që takohej natën në varreza, për të mos ngjallur dyshime në familjet respektive. Por në takimin e fundit ata janë pikasur nga roja i varrezave, teksa po kryente kontrollet e fundit në të gjithë zonën. 
Mësohet se roja i ka gjetur të zhveshur në tokë dy dashnorët, ndërsa ata janë larguar menjëherë pa thënë asnjë fjalë. Tashmë lajmi po bën xhiron e botës në internet.