TIRANË, 9 tetor 2013 – Një thesar veprash arti të vjedhura janë sekuestruar mbrëme nga grupi antitrafik i policisë së Tiranës. Operacioni i pazakontë vuri në pranga dhe bandën e trafikantëve që posedonin thesarin.  Veprat e artit të vjedhura shiteshin jashtë vendit tek koleksionistë të huaj. 
Autoret e veprave te vjedhura jane  A. Spahon, 39 vjeç nga Pogradeci, banues në Tiranë, si dhe Gj.Vani Thimo, 52 vjeç lindur në Korçë, banues në Tiranë. 
Në banesën e Thimos, koleksionist që prej vitit 1990, u gjetën mbi 100 ikona dhe vepra arti të vjedhura. 
I arrestuari tjetër, A. Spaho është arrestuar disa herë nga policia në vite të ndryshme për vjedhje, kryesisht të veprave të artit. Spaho është arrestuar në vitin 2008-të dhe 2010-të gjithashtu edhe në vitin 2013. Në 2010-ën Spaho ka vjedhur edhe kishën e ‘Shën Mërisë’ në fshatin Voskopojë të Korçës. 
Veprat e sekuestruara janë dërguar në komisariatin numër 1 dhe të mërkurën do të dërgohen për ekzaminim në Policinë e Tiranës.