TIRANE,3 tetor 2013  – Dështon mbledhja e Këshillit Bashkiak të Tiranës, e parashikuar të zhvillohej pasditen e sotme. Pas disa muajsh bllokim, Këshilli Bashkiak nuk arriti të mblidhej as sot, për shkak se këshilltarët e majtë nuk u paraqitën në mbledhje. Në mbledhjen e sotme pritej të zgjidhet kryetari i ri i Këshillit Bashkiak, si dhe të miratoheshin këshilltarët e rinj, pas largimit të atyre që kanë dhënë dorëheqjen pasi janë zgjedhur deputetë në zgjedhjet e 23 qershorit. 
Bllokimi i punës së Këshillit Bashkiak të Tiranës erdhi pas vendimit të LSI-së për prishjen e koalicionit me PD-në dhe bashkimin me Partinë Socialiste, duke krijuar një mazhorancë të re në Këshillin Bashkiak të kryeqytetit.