RIO DE JANEIRO, 3 prill 2013– Një autobus pasagjerësh ka rënë nga një urë 15 metra e lartë në Rio de Janeiro, duke vrarë 7 persona e duke plagosur 11 të tjerë.
Këto janë fotot e tmerrshme të aksidentit të ndodhur një ditë më parë, në mes të qytetit.
Autoritetet thanë se disa nga të plagosurit janë në gjendje kritike, ndaj, bilanci i viktimave mund të rritet.
Ende nuk dihen shkaqet e aksidentit e mbetet i paqartë numri i pasagjerëve që ndodheshin në bord.
Disa dëshmitarë thanë se një nga pasagjerët ishte zënë më shoferin, përpara se të ndodhte aksidenti.
