Kryeprokurori Adriatik Llalla kundërshton hapur draftin ligjor të miratuar në Këshillin e Ministrave për krijimin dhe funksionimin e Byrose Kombëtare të Hetimit. Gjatë fjalës së tij, Llalla tha se qëndrimi i tij është i njëjtë me atë të Unionit të Prokurorëve, të cilët e kanë cilësuar draftin si antikushtetues. Vetëm pak ditë më parë, bordi drejtues i Unionit të Prokurorëve të Shqipërisë reagoi për draftin e Byrose Kombetare te Hetimit, duke renditur në kater pika kundërshtimet e tyre, duke i cilësuar me shkelje të rënda të Kushtetutes. Kryeprokruori Llalla i kërkoi prokruorëve të krimeve të rënda, që krahas luftës kundër krimit të organizuar, të fokusohen në mbledhjen e provave që të bindet gjykata për konfiskimin e pasurisë së individëve të përfshirë ne vepra kriminale. Këto deklarata, kryeprokurori Lalla i bëri në analizën vjetore të Prokurorisë për Krime të Rënda, ku i pranishëm ishte edhe drejtori i përgjithshëm i policisë së shtetit, i cili kërkoi të zgjerohet bashkëpunimi mes dy institucioneve.