Një gomone me dy motorë të fuqishëm është kapur në lumin e Vjosës, pranë fshatit Bishan, në një operacion të Policisë Kufitare dhe Migracionit, në Vlorë, gjatë ditës së diel. Burimet policore kanë bërë të ditur se gomonia, me gjatësi rreth 9 metra dhe 3 metra gjerësi, dyshohet se përdorej për trafik të lëndëve narkotike. Shërbimet e Policisë se Shtetit po kryejnë hetimet për zbulimin e rrethanave në lidhje me këtë mjet lundrues dhe po punohet për identifikimin dhe kapjen e pronareve, megjithëse gjatë kontrollit të ushtruar në këtë mjet lundrues nuk janë konstatuar sende apo materiale të kundraligjshme.