Sekretari amerikan i shtetit John Kerry ka mbyllur viziten e tij zyrtare në vendin tonë, duke iu drejtuar Aeroportit Ndërkombëtar "Nënë Tereza". Por, para largimit, në Bibliotekën e Kryeministrisë, ai ka lënë mbresat e tij më të mira për mikpritjen në Tiranë. Në librin e përshtypjeve, sekretari Kerry shkroi: "Faleminderit popullit shqiptar për pritjen jashtëzakonisht zemërgjerë në vendin tuaj të bukur. Shtetet e Bashkuara janë shumë krenare për miqësinë tonë. Shqipëria është një aleate e shkëlqyer e NATO. Një partner në luftën kundër ekstremizmit dhe një mike e shkëlqyer. Përshëndetjet më të përzemërta, John Kerry"