Aksident me pasojë një të vdekur dhe një të plagosur është regjistruar mbrëmjen e sotme, në aksin rrugor Korçë-Ersekë. Sipas informacioneve paraprake, mësohet se një automjet furgon, me targa TR 6149 T, ka dalë nga rruga dhe është përmbysur në kanal, ku për pasojë janë aksidentuar drejtuesi i mjetit dhe një pasagjer, të dy ende të paidentifikuar. Mësohet se njëri prej tyre ka ndërruar jetë, ndërsa tjetri u dërgua me urgjencë në spital në gjendje të rëndë shëndetësore. Policia dhe një grup hetimor, të cilët kanë shkuar në vendin e ngjarjes, kanë nisur hetimet për zbardhjen e plotë të rrethanave të ngjarjes.