TIRANË – Fryme e Re Demokratike vlerëson se është e gatshme të futet në zgjedhjet e vitit 2013 dhe të garojë denjësisht, ndërkohë që angazhohet të punojë gjatë këtij 6 mujori për afrimin e vendit me BE.
Nënkryetari i kësaj partie, Gazmend Oketa, akuzoi forcat politike se po përpiqen që përmes presioneve të frenojnë anëtarësimin në këtë forcë politike.
“Konstatoj me kënaqësi se ka një fluks të konsiderueshëm anëtarësimesh pavarësisht klimës së vështirë që përpiqen forcat politike që përmes presioneve për shkak të punësimeve në administratë dhe biznese , të frenojnë fluksin e anëtarësimeve. Me kënaqësi konstatoj se FRD është e gatshme të hyjë në zgjedhjet dhe të bëjë diferencën me partitë që tejzgjatën tranzicionin”,- deklaroi Oketa.
