Zjarr në afërsi të nënstacionit elektrik, OSHEE: Ndërpritet energjia elektrike, ja zonat e prekura

Një zjarr ka rënë ditën e sotme në afërsi të NST Valias, në Tiranë.

OSHEE njofton se për shkak të këtij zjarri është stakuar për masë sigurie nënstacioni pranë kësaj qendre, duke lënë pa energji elektrike zona si Bërxullë, Domje, Bathore, Breg Lumi, Qerkë, Tapizë, Laknas, Valias, Çerkezë, Kasallë.

Më tej në njoftim bëhet me dije se energjia do të mbahet e stakuar deri në eliminimin e plotë të rrezikut nga zjarri.

Njoftimi i OSHEE:

Pershendetje/Njoftim për abonentët #Tiranë

Për shkak të zjarrit të rënë në afërsi të NST Valias, sot rreth orës 13:20 është stakuar për masë sigurie nënstacioni duke lënë pa energji 6 fidera 6kV që furnizojnë zonat: Bërxullë,
Domje

Bathore, Breg Lumi, Qerekë, Tapize, Laknas,
Valias, Çekreze, Kasallë.

N/Stacioni do të mbahet i stakuar deri në eleminimin e plotë të rrezikut nga zjarri.