Një aksident gjatë punës ka ndodhur në Kuç të Himarës, ku një elektriçist ka rënë nga shtylla e tensionit.
Mësohet se 37-vjeçari është dërguar në spitalin e Vlorës për të marrë ndihmën mjekësore, ndërkohë që bëhet me dije se ndodhet jashtë rrezikut për jetën.
Njoftimi i Policisë:
Himarë/Informacion paraprak Sot, rreth orës 17:00, në fshatin Kuç, Himarë, dyshohet se është rrëzuar aksidentalisht nga shtylla e tensionit, shtetasi S.P., 37 vjeç, punonjës i OSSHE-së, i cili ndodhet në spitalin e Vlorës, jashtë rrezikut per jetën.
Në vendngjarje ndodhet grupi hetimor dhe po punon për zbardhjen e plotë të ngjarjes.
