Kryeministri Edi Rama deklaroi se qeveria është në bisedime me biznesin e vogël për të nxitur punësimin e personave dhe familjeve të afta për punë, por që janë pjesë e ndihmës ekonomike.
“Po punojmë për një skemë bashkëpunimi me biznesin. Duam të ndërlidhim biznesin e vogël e të madh me ndihmën ekonomike dhe të kërkojmë nga biznesi aleancë për të punësuar njerëz që janë në ndihmë ekonomike duke ja kaluar si pjesë të pagës ndihmën ekonomike.
Si shembull, nëse kemi një pagë minimale 320 mijë lek, një pjesë të kësaj page e paguajmë ne shteti si ndihmë ekonomike”, tha Rama.
Kryeministri deklaroi se i duhet dhënë fund varësisë ndaj ndihmës ekonomike.
“Duhet të heqim dorë nga varësia e ndihmës ekonomike, që është vetëm për ta mbajtur frymën gjallë”, deklaroi ai.
