Teksa na ndajnë vetëm pak orë nga finalja e Conference League që do të luhet mes ekipit italian të Romës dhe atij holandez Feyenoord, Garda e Republikes do të marrë nën mbrojtje të gjitha institucionet e rëndësisë së veçantë.
Mësohet se rreth orës 17:00, Garda do të pozicionohet në të gjitha institucionet kryesore që ndodhen ne bulevardin Dëshmoret e Kombit.
Ndërkaq rreth 40 efektivë policie kanë ardhur nga Kosova për t’u ardhur në ndihmë kolegëve shqiptarë, në kuadër finales së Conference League që luhet mbrëmjen e kësaj të mërkure në Tiranë dhe të bashkëpunimit të ndërsjellë mes dy palëve.
Finalja e Conference League do të nisë në orën 21:00 në stadiumin “Air Albania”.
