Dy 20-vjeçarë shqiptarë janë arrestuar pasi u kapën duke shitur kokainë në rrugët e Pesaros në Itali. Policia kishte vendosur prej ditësh nën mbikëqyrje një makinë Fiat Panda, e cila më pas rezultoi se ishte marrë me qira në Rimini.
Me anë të saj dy shqiptarët arrinin deri në këtë qendër, duke u ndalur aty vetëm për dhjetëra minuta dhe më pas duke u kthyer në provincën e afërt Romagna. Sipas policisë, dy shqiptarët janë parë të takoheshin me një person, të njohur nga agjentët si narkoman. Këto nxitën dyshimin e policisë se lëvizjet e dy shqiptarëve kishin si qëllim trafikimin e drogës.
Nga kontrolli i mëpasshëm i kryer ndaj shqiptarëve brenda mjetit, u bë i mundur gjetja e e rreth 30 gramë, e mbuluar me kujdes me një shtresë orizi për të thithur lagështinë dhe për të ruajtur cilësinë e kokainës. Një dozë tjetër u gjet në këpucën e veshur nga njëri prej të dyve.
Më në fund u sekuestrua materiali për paketimin e dozave dhe shuma e parave prej 120 eurosh, e cilësuar si të ardhura të dyqanit.
