Ish-komandanti i Ushtrisë Çlirimtare të Kosovës, Rexhep Selimi, i cili në momentin e arrestimit mbante postin e kreut të Grupit Parlamentar të Vetëvendosjes, do të dalë sot para Gjykatës Speciale.
Selimi pritet që në orën 11:00 të paraqitet në Dhomat e Specializuara në Hagë dhe të përballet me akuzat e prokurorisë, pasi kundër tij janë ngritur akuza për krimet lufte.
Selimi është arrestuar bashkë me Hashim Thaçin, Kadri Veselin dhe Jakup Krasniqin, të cilët janë përballur me gjykatën gjatë kësaj jave.
Kreut të grupit të LVV iu konfrimua aktakuza më 26 tetor 2020 dhe u arrestua pak ditë më vonë më 5 nëntor dhe transferua në Hagë në po të njëjtën ditë.
