Tre vajza kanë mbetur të plagosura në aksin rrugor Shkodër – Lezhë, pasi mjeti me të cilin po udhëtonin ka dalë nga rruga.

Shoferja 20 vjeçe ka humbur kontrollin e mjetit tip “Porsche” pranë fshatit Melgushë. Ajo dhe vajzat, që ishin pasagjere në makinë janë lënduar dhe janë dërguar në spital.

Njoftimi i policisë:

Shkodër/ Informacion paraprak.

Në aksin rrugor Shkodër – Lezhë, në fshatin Melgushë, Vau i Dejës, automjeti tip Porsche, me drejtuese shtetasen R.P, 20 vjeçe, ka dalë nga rruga.

Si pasojë është dëmtuar drejtuesja e automjetit shtetasja R.P, dhe shtetasja D. N., 20 vjeçe, të dyja banuese në Mali i Jushit, Vau i Dejes, si dhe shtetasja I. K., 18 vjeçe, banuese në Ukrainë, të cilat janë transportuar për në spital për ndihmë mjekësore.

Grupi hetimor ndodhet në vendngjarje dhe po punon për përcaktimin e rrethanave të aksidentit.