Me kalimin e viteve të menduarit, kujtesa dhe funksioni i trurit në përgjithësi nuk funksionojnë në të njëjtën mënyrë.
Por çdo gjë mund të përmirësohet me stilin e duhur të jetesës.
Pra, nëse doni të siguroheni që të keni një tru të shëndetshëm, pavarësisht viteve që kalojnë, bëjini pesë zakonet e mëposhtme pjesë të përditshmërisë suaj dhe rutinës së mëngjesit.
1.Përgatisni një filxhan të madh me kafe
Sipas studimeve, kafeina rrit shpejtësinë me të cilën truri përpunon informacionin dhe përmirëson kujtesën. Në një artikull të botuar në Practical Neurology, argumentohet se një sasi e moderuar kafeje (5 filxhanë gjatë gjithë ditës) është e mjaftueshme për të rritur vigjilencën, mirëqenien, përqendrimin dhe disponimin, ndërsa në të njëjtën kohë zvogëlohet rreziku i zhvillimit të sëmundjes së Alzheimerit dhe sëmundjes së Parkinsonit.
Mos harroni se koha më e mirë për të pirë kafe është rreth një orë pasi të zgjoheni.
- Përgatitni një mëngjes me vlera ushqyese
Duhet të dini se duke zgjedhur ushqime për trupin tuaj, po ushqeni edhe trurin. Një studim i publikuar në Alzheimer’s & Deania pohoi se dieta MIND duket se ka një efekt pozitiv në funksionin e trurit dhe veçanërisht në uljen e rrezikut të demencës.
Dieta MIND është një kombinim i dietës mesdhetare dhe dietës DASH, duke vendosur theksin te ushqimet me bazë bimore dhe duke kufizuar mishin e kuq, yndyrat e ngopura dhe sheqerin.
“Kjo dietë mund të mbajë enët e gjakut në trurin tuaj të shëndetshme”, thotë Dr. Kehoe.
Pra, nëse doni të siguroni një mendje të fortë përmes ushqimit, zgjidhni për mëngjes smoothie jeshile, tërshërë me arra dhe manaferra, dhe shmangni pastat e ëmbla dhe mishrat e përpunuar, si proshuta.
- Sfidoni veten me një aktivitet të trurit
Një mëngjes me vlera ushqyese shkon shumë mirë me një aktivitet që do t’ju “zgjojë” trurin, si fjalëkryqi apo një Sudoku për shembull. Një raport i vitit 2017 i përpiluar nga Këshilli Botëror për Shëndetin e Trurit vë në dukje se lojërat që stimulojnë të menduarit, kujtesën dhe në përgjithësi funksionin e trurit ndihmojnë në ruajtjen ose përmirësimin e aftësisë njohëse.
“Hobet që e mbajnë mendjen aktive forcojnë rrugët dhe lidhjet nervore të trurit, duke siguruar që ai të jetë më i fortë përballë ndryshimeve të lidhura me moshën”, thotë Dr. Kehoe.
Sipas raportit, aktivitete si këto çojnë në kujtesë më të mirë, vëmendje, të menduarit, aftësi gjuhësore dhe aftësi të arsyetimit.
Për rezultate më të mira, raporti sugjeron të zgjidhni aktivitete që janë të reja për ju, ju sfidojnë dhe ju japin kënaqësi.
- Bëni një stërvitje kardio prej 30 minutash
Dhe tani që keni bërë të gjitha sa më sipër, është koha për disa lëvizje. Aktiviteti aerobik mund të jetë i dobishëm vetëm për trupin. Në një studim të bërë në vitin 2022 argumentohet se ushtrimet kardio sjellin përmirësime njohëse afatshkurtra dhe afatgjata, duke përfshirë funksionin më të mirë ekzekutiv, hapësirën e vëmendjes, përpunimin e informacionit, të mësuarit dhe kujtesën.
Vendosni këtë objektiv: Kryeni të paktën 150 minuta aktivitet aerobik me intensitet të moderuar në javë, siç rekomandohet nga Qendrat për Kontrollin dhe Parandalimin e Sëmundjeve.
Ky objektiv mund të arrihet me gjysmë ore ecje të shpejtë ose çiklizëm, pesë ditë në javë.
Përndryshe, bëni 75 minuta ushtrime të forta, si vrapimi ose noti. Thjesht duhet të mbani mend se për të korrur përfitimet e stërvitjes për trurin, duhet të rrisni rrahjet e zemrës përtej normales.
5.Kontaktoni me njerëzit e dashur
Studimet e disponueshme tregojnë se izolimi social është një faktor rreziku për rënien njohëse më vonë në jetë,” thotë Dr. Kehoe.
“Përveç kësaj, marrëdhëniet e forta shoqërore mund të parandalojnë, në një farë mase, depresionin.”
Një përmbledhje e botuar në Raportet e Neuroshkencës aktuale të sjelljes zbuloi se vetmia rrit rrezikun e depresionit, demencës dhe zhvillimit të sëmundjes së Alzheimerit.
Sipas Harvard Health Publishing, kalimi i kohës me të dashurit forcon vëmendjen, kujtesën dhe rrjetet nervore. Ndaj, ndërkohë që jeni duke shijuar kafenë e mëngjesit, telefononi dikë të cilin e vlerësoni dhe humori juaj do të ndryshojë për mirë.
