Avokati i Sali Berishës, Genc Gjokutaj ka reaguar lidhur me vendimin e Gjykatës së Lartë për të kthyer çështjen për vulën e PD në Apel. Ai e ka konsideruar këtë vendim si shkelje flagrante të ligjit.
Në një postim në rrjetin social “Facebook”, ai shkruan se ky vendim ndjek qëllime të pastra politike kundër vullnetit të anëtarësisë së PD-së.
“Vendimi i Gjykates se Larte ne lidhje me Statutin e Rithemelimit te Partise Demokratike sot eshte nje shkelje flagrante e ligjit dhe qe ndjek qellime te pastra politike kunder vullnetit te anetaresise se saj!
Prishja e vendimit te Gjykates se Apelit dhe kthimi i çeshtjes po ne Apel legjitimon skandalin me te madh procedurial njohjen e si subjekt ankimues te Basha & Alibeaj nderkohe qe ata nuk kane qene pale ne gjykimin ne shkalle te pare!
Ligjerisht GjL duhej te kishte prishur vendimin e Gjykates se Apelit per moslegjitimim te ankuesit dhe lenien ne fuqi te vendimit te Gjykates se Shkalles se Pare Tirane!
Drejtesia shqiptare ka rene! Ajo sot eshte kthyer ne Agjensi Sherbimi prane Qeverise dhe mercenareve te saj”, shkruan Genc Gjokutaj.
