Ministria e Shëndetësisë e Maqedonisë së Veriut njofton se gjatë 24 orëve të fundit 7 pacientë kanë humbur jetën për shkak të Covid-19 ndërsa janë identifikuar 163 raste të reja.
Rastet e reja të të infektuarve dalin pas testimit të 1721 mostrave. Rastet e reja janë regjistruar në Shkup-33, Kumanovë-17, Dibër-3, Shtip-5, Prilep-7, Tetovë-13, Strugë-3, Veles-6, Manastir-4, Ohër-2, Kavadar-5, Gostivar-8, Gjevgjeli- 3, Strumicë-18, Kriva Pallankë-2, Radovish-2, Koçani-11, Probistip-1, Demir Hisar-1, Makedonski Brod-2, Valandovë-2, Vinicë-2, Delçevë-7, Shën Nikollë-1, Kërçovë-3, Resnjë-2.
Brenda 24 orëve janë regjistruar 7 viktima, dy pacientë nga Struga (78 dhe 80- vjeç), një pacient nga Koçani (77-vjeç), një nga Strumica (44-vjeçar), nga Shkupi (72-vjeçar), një nga Manastiri (79-vjeçar) dhe një pacient nga Gostivari (79-vjeçar).
Instituti i Shëndetit Publik brenda 24 orëve ka regjistruar 132 pacientë të shëruar. Sipas të dhënave të fundit, numri i personave të vdekur me sëmundjen Covid-19 ka arritur në 668.
Që nga fillimi i pandemisë, në Maqedoninë Veriore me Covid-19 janë diagnostikuar gjithsej 16088 persona, prej tyre, 13550 janë shëruar dhe numri i rasteve aktive është 1870.
