E ardhmja e Federico Chiesa do të jetë larg Torinos, por me shumë mundësi në Itali.
Kampionati Europian do të jetë një vitrinë e bukur për sulmuesin e Juventusit, i cili do të dëshironte të qëndronte në Juventus, por kartat në tavolinë mund të ngatërrohen me ardhjen e trajnerit të ri Thiago Motta.
Prandaj, largimi i lojtarit nuk është një hipotezë e largët dhe historia e dashurisë me Juventusin mund të përfundojë një vit përpara se të skadojë kontrata e tij më 30 qershor 2025.
Ka dy destinacione të mundshme në Itali: Roma dhe Napoli. Javën e ardhshme agjenti i lojtarit, Fali Ramadani, do të jetë në Trigoria për të folur me klubin verdhekuq.
Trajnerit të Romës i pëlqen Chiesa, ai konsiderohet një profil interesant, perfekt për karakteristikat e tij të lojës.
Largime të rëndësishme janë planifikuar nga Roma për të dhënë oksigjen në arkat e klubit: Lukaku, Sanches dhe Azmoun kanë valixhen në dorë.
Megjithatë, çelësi mund të jetë shitja e Abrahamit, Bove dhe Zalevskit, të cilët mund të sakrifikohen për këtë investim të rëndësishëm në merkato.
Shitja e të treve, në fakt do të sillte nga 40 deri në 50 milionë në arkat e klubit. Ndërkohë Juve për të shitur xhevahirin e saj kërkon 25 milionë euro.
Por nuk është vetëm Roma, edhe Napoli i Contes e pëlqen shumë Chiesa, dhe agjenti i lojtarit ka planifikuar një takim edhe me klubin napolitan, i cili është shumë i interesuar dhe i gatshëm për të sulmuar.
Pista e Premier League gjithashtu mbetet e gjallë, me Liverpool dhe Neëcastle që mbeten në gjurmët e tij në pritje të zhvillimeve të mundshme dhe që kanë vlerësuar cilësitë e lojtarit për disa kohë.
Në këtë rast, shumë do të varet edhe nga dëshira e Chiesa për të qëndruar në Itali ose për t’u larguar dhe përjetuar aventurën angleze.
