Përfaqësuesi i PD-së në Himarë, Skerdjan Dhuli, i pyetur për mundësinë e kandidimit të djalit të Fredi Belerit në Himarë u shpreh se janë disa emra që diskutohen.
Ai tha në një lidhje “Skype” me studion e emisionit “Të Paekspozuarit” se si në rastin e Fredi Belerit, edhe në këtë rast mund të funksionojë kjo formë.
“Janë disa emra që diskutohen. Për shkak se partia propozuaese është PBDNJ-ja në rastin e Fredi Belerit, edhe në katë rast mund të funksionojë në këtë formë, cilindo që të jetë kandidati do ta mbështesim dhe ju garantoj që ekipi që do të drejtojë fushatën, jo vetëm që do të jetë brilant, por do të jetë ekip pa njolla korrupsioni, por edhe të paperceptuar si i korruptuar.” , tha Dhuli.
