Të gjithë fermerët që kanë një nipt apo grupe fermerësh mund të aplikojnë për të përfituar nga skema kombëtare e investimeve në bujqësi që tashmë është hapur zyrtarisht.
Lajmin e dha Ministrja Anila Denaj e cila njëkohësisht u bëri thirrje fermerëve të aplikojnë.
“Hapen aplikimet për SkemënKombëtaretëInvestimeve2024 !
Çdo fermer individual, subjekt me status fizik apo juridik dhe SHBB mund të aplikojë për mbështetje në Skemën Kombëtare të Investimeve 2024 pranë zyrave qendrore të AZHBR për 5 masa mbështetëse:
Ndërtimin e serrave diellore të reja
Ndërtimin e rrjetave antibreshër
Ndërtimin e stallave
Mekanizimin e sektorit të bujqësisë
Koshat dhe rrjetat e peshkimit për akuakulturë”, njofton Denaj.
Skema do të jetë e hapur përgjatë 5 javëve ne vijim për të gjithë përfituesit nga Veriu në Jug dhe do të ketë edhe takime në 12 qarqet e vendit.
