Më 6 shkurt, perdja ra në karrierën e jashtëzakonshme të Marcelos, pasi ai vendosi të tërhiqej pas 22 vitesh futboll të nivelit të lartë.
Mbrojtësi i majtë brazilian, i cili u rrit në sistemin e të rinjve të Fluminense, bëri debutimin e tij profesional përpara se të fluturonte drejt Evropës. Emri i tij, megjithatë, do të mbetet përgjithmonë i lidhur me Real Madridin, ku ai bëri 546 ndeshje dhe shënoi 38 gola, duke fituar 25 trofe, përfshirë 5 Champions League.
Pas eksperiencave të tij me Olimpiakos dhe rikthimit te Fluminense, ku mbylli rrethin, Marcelo ka vendosur të vari këpucët. Një zgjedhje që u pjekur me qetësi, siç ka rrëfyer edhe ai vetë në një video që risjell karrierën e tij: “Historia ime me futbollin përfundon këtu, por kam ende shumë për t’i dhënë këtij sporti. Faleminderit të gjithëve, do t’ju jem përjetësisht mirënjohës”.
Marcelo nuk duket i destinuar të vazhdojë karrierën si trajner, të paktën për momentin. I intervistuar për të ardhmen e tij nga ‘El Hormiguero’ ai shpjegoi: “Gruaja ime thotë se dukem si trajner, por për fëmijë. Unë nuk e shoh veten kështu.
Një trajner duhet të kuptojë lojtarët, veçoritë e tyre, kulturën e tyre. Nuk ka të bëjë vetëm me vendosjen e tyre në fushë, duhet të kesh një mendje të hapur për t’i ndihmuar ata me të vërtetë”, janë fjalët e tij të transmetuara nga As.
Gjatë gjithë karrierës së tij, braziliani është trajnuar nga disa prej trajnerëve më të mirë në botë. Për José Mourinhon, Marcelo tha: “Ai më ndihmoi të jem më agresiv. Gjithmonë më pëlqente ta kisha topin në këmbët e mia, por ai më tha se duhet të mësoja ta rikuperoja atë fillimisht. Më mësoi shumë në stërvitje. Një herë më tha se nuk dija të mbroja, por se do të më mësonte. Më zemëroi çdo gjë disa herë, por në fund.”
Fjalë të mjaltit edhe për Zinedine Zidane, me të cilin ndau vitet e suksesit: “Zidane e njihte dhomën e zhveshjes, si pak të tjerë. Më dha kaq shumë gëzim, e adhuroj edhe si lojtar edhe si trajner. Më la shumë liri. Më tha: “Vazhdo, Casemiro është pas teje”.
