Një shqiptar ka humbur jetën tragjikisht në Itali, pasi ra nga skela gjatë punimeve.
Ngjarja ka ndodhur mbrëmjen e së enjtes, në Udine, ku 50-vjeçari ka rënë nga një skelë.
Sipas medieve italiane, shqiptari kishte shkuar tek një i afërm i tij për ta ndihmuar në lyerjen e mureve të një ndërtese. Por kjo rezultoi tragjike për të, pasi për arsye ende të paqarta ai ra nga skela.
Përplasja ishte shumë e fortë për të, dhe sipas mjekëve ai humbi jetën direkt pas rënies.
Policia po punon për të zbardhur rrethanat e plota.
