Ndahet nga jeta vëllai i presidentit të “Yldon Media Group”, Ylli Ndroqi.
Lulzim Pasmaçiu humbi betejën me COVID-19 në orët e para të mëngjesit të sotëm, 18 gusht 2020. Ai ishte shtruar prej disa ditësh në spitalin COVID-2 “Shefqet Ndroqi”.
Ditët e fundit kishte shfaqur shenja përmirësimi, por pavarësisht kesaj, nuk mundi t’i mbijetonte virusit vdekjeprurës.
Vetë zoti Ylli Ndroqi bëri të ditur lajmin e humbjes së papritur të vëllait në moshën 60 vjeçare përmes një postimi në rrjetet sociale.
Prej 29 vitesh, Lulzim Pasmaçiu mbante postin e koordinatorit në kompaninë e “Yldon Media Group”.
