Sipas të dhënave nga Ministria e Shëndetësisë Italiane, gjatë 24 orëve të fundit në vend janë regjistruar 5 viktima nga koronavirusi, për një total prej 35.102 rastesh që nga fillimi i emergjencës shëndetësore.
Autoritetet e shëndetësisë raportuan gjithashtu se sot u regjistruan edhe 274 raste të reja pozitive, në total 245.864 të infektuar si dhe 128 pacientë të shëruar
Në Rajonin e Lombardisë sot, si edhe dje, u regjistruan 0 viktima nga koronavirusi si edhe 79 raste të reja pozitive Covid, shifër që e rrit në 95 847 numrin e të infektuarve që nga fillimi i pandemisë në Itali.
Ministria e Shëndetësisë ka botuar raportin e monitorimit javor të emergjencës Covid, sipas të cilit mosha mesatare e rasteve të infeksionit në Itali është ulur në 40 vjeç.
Instituti i Lartë i Shëndetit ka raportuar se pothuajse në të gjithë Italinë ka disa shpërthime të përmasave të ndryshme dhe shumë prej tyre janë shkaktuar nga njerëz që kanë ardhur në Itali nga vende me incidencë të lartë. Ulja në 40 vjeç e moshës mesatare të të infektuarve i detyrohet pjesërisht edhe faktit se gjithnjë e më pak të moshuar po identifikohen me Covid dhe i detyrohet përgjithësisht faktit tjetër, se rastet e reja janë në rradhët e asimptomatikëve dhe moshave të reja.
