Superyjet e Barcelonës, Lamine Yamal dhe Robert Lewandowski, janë ndëshkuar për shkelje të rregullave të antidopingut të UEFA-s. Ata janë futur në telashe me UEFA-n për shkelje të rregullave të antidopingut të këtij institucioni. Sipas një raporti të mediumit spanjoll Marca, UEFA beson se të dy lojtarët nuk respektuan udhëzimet e Zyrtarit të Kontrollit të Antidopingut dhe nuk raportuan menjëherë në Pikën e Kontrollit, siç kërkohet nga rregulloret zyrtare. Për këtë arsye, ata janë gjobitur menjëherë me nga 5,000 € (4,336 £).
Por dënimet e UEFA-s nuk u ndalën këtu, pasi trajneri Flick është gjobitur me 20,000 € (17,339 £) dhe është pezulluar për një ndeshje në garat e klubeve të UEFA-s për shkelje të parimeve të përgjithshme të sjelljes dhe të rregullave themelore të sjelljes së denjë.Asistenti i trajnerit, Marcus Sorg, ka marrë të njëjtin dënim për të njëjtat arsye si Flick.Ndërkohë, Barcelona si klub do të duhet të paguajë 5,250 € (4,551 £) për hedhje objektesh dhe 2,500 € (2,167 £) për ndezje fishekzjarrësh gjatë ndeshjes.Vendimi vjen nga Komiteti i Kontrollit, Etikës dhe Disiplinës i UEFA-s, me të gjitha sanksionet që hyjnë në fuqi menjëherë, duke ndikuar në ndeshjen e radhës evropiane të Barcelonës.
