Në qytetin e Korçës janë zbardhur katër raste vjedhjesh të automjeteve, ngjarje që dyshohet se kanë ndodhur më 31 janar 2026.
Si pjesë e hetimeve, është identifikuar dhe arrestuar shtetasi L. Sh., 42 vjeç, banues në Korçë, i dënuar më parë për veprimtari të ngjashme kriminale. Ai dyshohet se është autori i katër vjedhjeve të automjeteve.
Gjatë kontrollit janë sekuestruar sende të vjedhura, përfshirë një kasetofon, një pasaportë, një palë çelësa, një telefon i markës iPhone 13 Pro Max, një sasi parash dhe sende të tjera.
Materialet procedurale janë referuar Prokurorisë së Korçës për veprime të mëtejshme ligjore. Hetimet vazhdojnë për të përcaktuar nëse personi është i përfshirë edhe në raste të tjera.
