Ekspertët e pastrimit sugjerojnë që shtrati të mos rregullohet menjëherë pas zgjimit, pasi ka nevojë të ajroset. Gjatë natës krijohet lagështi nga djersitja dhe nxehtësia e trupit, duke favorizuar bakteret dhe alergjenët nëse mbulohet direkt.
Sipas tyre, është më mirë të hiqen përkohësisht mbulesat dhe të lihet shtrati të thahet e të ftohet për rreth 30-60 minuta, përpara se të rregullohet. Kjo ndihmon në ruajtjen e pastërtisë dhe freskisë.
Ekspertët rekomandojnë gjithashtu pastrim të rregullt të dyshekut dhe ajrosje të përditshme për të shmangur grumbullimin e pluhurit dhe lagështisë.
