Ministria e Shëndetësisë dhe Mbrojtjes Sociale ka reaguar në lidhje me komentet e bëra nga deputeti i PD, Saimir Korreshi në Kuvend për gjendjen e sistemit shëndetësor në Lushnje.
Ministra nënvizon se nuk ka mungesë të mamografisë siç ka cituar deputeti, gjithashtu ka hedhur poshtë një ndërprerje të mundshme të shërbimeve.
Mesazhi i plotë i Ministrisë së Shëndetësisë:
“Në lidhje me deklaratat politike sot në Kuvend, sqarojmë se ato nuk pasqyrojnë situatën reale në Spitalin e Lushnjës.
-Spitali ndodhet aktualisht në proces rikonstruksioni, ndaj janë bërë riorganizime të përkohshme të shërbimeve, pa ndërprerë asnjë shërbim për qytetarët.
-Nuk ka mungesë të materialeve bazë si pambuk apo alkool. Furnizimi është i rregullt.
-Asnjë shërbim nuk është ndërprerë.
-Shërbimi gjinekologjik është riorganizuar përkohësisht brenda spitalit.
-Mamografia është funksionale.
-Spitali vijon normalisht aktivitetin, duke garantuar shërbim dhe siguri për pacientët”.
Deputeti i Partisë Demokratike, Saimir Korreshi renditi një sërë problemesh që sipas tij vijojnë të mbeten të pazgjidhura në shërbimin shëndetësor publik
