Një aksident i rëndë rrugor ka ndodhur mëngjesin e sotëm në Kavajë, ku një 49-vjeçar ka humbur jetën pas përplasjes së motomjetit me një automjet.
Ngjarja është regjistruar rreth orës 09:05, në aksin rrugor Gosë–Vilbashtovë, Kavajë.
Sipas informacionit paraprak të Policisë, një automjet me drejtues shtetasin C. N. është përplasur me një motomjet.
NJOFTIMI:
Rreth orës 09:05, në aksin rrugor Gose–Vilbashtovë, Kavajë, një automjet me drejtues shtetasin C. N. është përplasur me një motomjet.
Si pasojë e aksidentit, ka humbur jetën drejtuesi i motomjetit, shtetasi L. A., 49 vjeç.
Grupi hetimor ndodhet në vendngjarje dhe po punon për dokumentimin dhe sqarimin e plotë të rrethanave të aksidentit.
