Shkon në 47 numri i të infektuarve nga koronavirusi në Durrës dhe 969  në gjithë Shqipërinë.

Ministria e Shëndetësisë njofton se gjatë 24 orëve të fundit janë testuar plot 204 persona ndërsa janë konfirmuar 5 raste të reja.

Rastet e reja janë zbuluar 3 në Durrës, 1 në Tiranë dhe 1 në Krujë.

Mësohet se të infektuarit kanë patur kontakte me raste pozitivë të mëparshëm.

Brenda 24 orëve të fundit janë shëruar 13 persona në vendin tonë.

NJOFTIMI I PLOTË

COVID-19/ Ministria e Shëndetësisë: 5 raste të reja , shkon në 969 numri i të prekurve

13 të shëruar në 24 orët e fundit. 80% e të prekurve tashmë janë të shëruar

Mirela Cami
Drejtore e Operatorit të Shërbimeve të Kujdesit Shëndetësor
Ju bëjmë me dije të dhënat e 24 orëve të fundit të situatës së COVID 19 në vendin tonë.
Edhe pse situata epidemiologjike paraqitet e qëndrueshme, ka vijuar puna intensive e epidemiologëve në terren, për identifikimin e rasteve të reja dhe gjurmimin aktiv të tyre, si në zonat e kuqe por edhe në ato të gjelbërta.
Ndërkohë mjekët e familjes po monitorojne në vazhdimësi rastet aktive me Covid19 që kanë simptoma të lehta ose janë asimptomatikë.

Gjatë 24 orëve të fundit janë testuar 204 qytetarë si të dyshuar të prekur me Covid19 dhe janë konfirmuar pozitivë 5 raste.
Shpërndarja gjeografike e rasteve është si vijon: 3 raste në Durrës, 1 në Tiranë dhe 1 në Krujë, kontakte të rasteve të mëparshme pozitive. Të shëruar janë 13 qytetarë.
Gjendja në spitalin infektiv paraqitet e qëndrueshme prej ditësh me 14 pacientë të shtruar dhe vetëm 3 prej tyre janë në terapi intensive.
Deri më sot janë konfirmuar pozitivë me COVID-19 në të gjithë vendin 969 qytetarë. Prej tyre, rreth 80% janë të shëruar.
Aktualisht janë 167 persona aktivë me COVID19, kryesisht në Tiranë, Durrës dhe Krujë.
Nga fillimi i epidemisë janë kryer mbi 13,500 testime molekulare dhe serologjike. Deri tani janë mbi 1 mijë testime serologjike në personel shëndetësor, me një pozitivitet të përgjithshëm rreth 8%.
Ministria e Shëndetësisë dhe Mbrojtjes Sociale fton qytetarët të tregohen të kujdesshëm, duke respektuar rregullat, te ruani distancimin fizik dhe higjienën personale. Nëse keni shenja të Covid19 telefononi në numrin unik të Urgjencës Kombëtare, 127.

COVID-19 – Statistika (21 Maj 2020)

  • Testime totale 13825
  • Testime molekulare 12759
  • Testime serologjike 1066
  • Raste pozitive 969
  • Raste të shëruara 771
  • Raste Aktive 167

Humbje jete 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

  • Tiranë 55
  • Durrës 47
  • Krujë 31
  • Shkodër 10
  • Berat 10
  • Kamëz 9
  • Fier 2
  • Elbasan 1
  • Mirditë 1
  • Korçë 1