“C’è ancora l’albanese”? A është akoma shqiptarja? Kjo deklaratë e bërë nga ana e presidentit të senatit Italian Ignazio La Russa, në drejtim të kryetares së komisionit të Integrimit Europian, Jorida Tabaku është bërë objekt debati në shtetin fqinj.
Sipas medias “La Repubblica”, shumë qytetarë e akuzuan në rrjetet sociale eksponentin e partisë Fratelli d’Italia për racizëm. Madje kritikat ishin të shumta dhe nga ana e mediave.
Në fund të fjalës së kryeministres Giorgia Meloni, presidenti i Senatit iu drejtua punonjësve për t’i pyetur nëse Tabaku ishte ende në sallë për të bërë një falënderim apo jo. Por ai harroi që e kishte mikrofonin hapur. Pas gafës La Russa shprehu një falënderim për Tabakun si dhe për gjithë pjesën tjetër të delegacionit shqiptar që ndodhej aty.
