Nëse nuk flini në një dhomë krejtësisht të errët me grila të mbyllura, atëherë sipas shkencëtarëve kinezë, shëndeti juaj i zemrës është në rrezik.

Më konkretisht, në hulumtimin e tyre, ata vunë re se ata që mbanin grilat hapur kishin një rrezik në rritje të goditjes, deri në 43%.

Megjithatë, sipas studiuesve ka një shpjegim. Ata thonë se drita natyrale nga dritat e rrugës apo makinave mund të hyjë në dhomë, e si pasojë pengojnë gjumin natyral dhe zgjojnë trupin.  Rrjedhimisht, gjumi i pamjaftueshëm ngarkon zemrën dhe organet e tjera.

“Studimi ynë sugjeron se nivelet më të larta të ekspozimit të dritës artificiale në natyrë gjatë natës mund të jenë një faktor rreziku për sëmundjet kardiovaskulare. Prandaj, ne këshillojmë njerëzit që jetojnë në mjedise urbane që ta reduktojnë këtë ekspozim”, thotë Dr. Jain-Bing Wang, një ekspert i shëndetit publik dhe studiues i studimit.

Për të hetuar efektin e dritës artificiale në funksionin e zemrës, studiuesit studiuan 28,300 njerëz nga qyteti port kinez i Ningbo, rreth 120 milje në jug të Shangait. Pjesëmarrësit ishin mesatarisht 62 vjeç dhe nuk kishin histori të sëmundjeve kardiovaskulare, si goditje në tru ose aneurizëm.

Secili nga pjesëmarrësit u ndoq për gjashtë vjet, nga 2015 deri në 2021, ku shkencëtarët regjistronin raste të goditjes në tru ose sëmundje të tjera të lidhura përmes të dhënave mjekësore spitalore. Në total, ata identifikuan 1278 raste, nga të cilat 900 ishin të lidhura me goditje në tru.

Duke vlerësuar ndotjen nga drita që i përgjigjet secilit pacient, për nevoja të analizës u përdorën imazhe satelitore. Rezultatet u përshtatën për moshën, gjininë dhe të ardhurat për të treguar rrezikun dhe ndikimin e ndotjes nga drita.

“Ekspozimi ndaj dritës artificiale të ndritshme gjatë natës mund të ndikojë në ritmin cirkadian të trupit duke shtypur sekretimin e melatoninës. Kjo nga ana tjetër mund të çojë në ndryshime në shënuesit biologjikë, si rritja e niveleve të triglicerideve, presionit të gjakut dhe glukozës në gjak, të cilët janë faktorë rreziku kardiovaskular”, thekson Dr. Wang.

I kombinuar, studimi shqyrtoi gjithashtu rrezikun e sëmundjeve kardiovaskulare nga ndotja e ajrit. Ai zbuloi se ata që jetonin në zonat me nivelet më të larta të PM10, një përbërës i vogël i çliruar nga shkarkimi i makinave, kishin një rrezik deri në 50% më të lartë të sëmundjeve kardiovaskulare, krahasuar me ata të ekspozuar në nivelet më të ulëta.

Prandaj, ata të ekspozuar ndaj niveleve më të larta të grimcave PM2.5, një substancë më e vogël e emetuar nga makinat, kishin një rrezik 41% më të lartë dhe së fundi ata të ekspozuar ndaj oksidit të azotit kishin një rrezik 31% më të lartë.

“Pavarësisht përparimeve të rëndësishme në reduktimin e faktorëve tradicionalë të rrezikut kardiovaskular si duhani, obeziteti dhe diabeti i tipit 2, është e rëndësishme të marrim parasysh faktorët mjedisorë në përpjekjet tona për të reduktuar barrën globale të sëmundjeve kardiovaskulare”, përfundon Dr. Wang.