Sezoni i festave ofron mundësinë e shkëputjes nga rutina e ngarkuar e përditshmërisë, duke na dhënë kohë për t’u relaksuar, për t’u afruar më shumë me ata që duam dhe për t’u dorëzuar pas tundimeve të pjatave festive.
Megjithatë, pavarësisht kënaqësisë që sjellin ushqimet e shijshme, këto kënaqësi “fajtore” shpesh kanë pasoja për shëndetin.
Pjatat e bollshme të festave, të pasura me natrium, sheqerna dhe yndyra, bashkë me konsumimin e shtuar të alkoolit, mund të shkaktojnë shqetësime si urth, tretje të ngadaltë, dhimbje barku, marramendje, dhimbje koke dhe lodhje.
Sipas Fondacionit Ndërkombëtar të Osteoartritit, zgjidhja për t’u përballur me këto simptoma mund të gjendet në zgjedhjet e kujdesshme dietike, të cilat mund të balancojnë efektet e pjatave të tepërta festive.
Cilat ushqime nxisin tretjen?
Ushqimet me shije të hidhur ose pak pikante janë veçanërisht të efektshme, pasi stimulojnë mëlçinë dhe fshikëzën e tëmthit, duke përmirësuar tretjen.
Disa ushqime që mund të zgjidhni, janë:
- Angjinarja/artichoka
- Selino
- Rrepka
- Rukola
- Rrepkë
- Lakrat e Brukselit
- Luleradhiqe
Këto ushqime stimulojnë sekretimin e enzimave të tretjes. Përveç kësaj, selino dhe rrepkat kanë veti diuretike, duke i bërë ato të dobishme për individët që vuajnë nga tensioni i lartë i gjakut ose mbajtja e lëngjeve. Mund t’i shijoni ato të papërpunuara në sallata ose si përbërës shtesë në pjatat e ngrohta me mish.
Ndërkohë, artichokat janë shumë të dobishme për mëlçinë, duke mbështetur proceset e pastrimit të trupit dhe ofruar përfitime hepatoprotektive.
Të Pasura me fibra prebiotike, siç është inulina, ato gjithashtu stimulojnë zhvillimin e baktereve të shëndetshme të zorrëve, duke përmirësuar shëndetin intestinal.
Pija – aleati i shëndetit të tretjes
Çaji jeshil, veçanërisht kur shtohet pak limon, është një opsion i shkëlqyer për mbështetje të funksionit të mëlçisë falë vetive të tij antioksiduese. Megjithatë, përmbajtja e kafeinës mund të ketë një efekt stimuluese, kështu që është më mirë ta konsumoni më herët gjatë ditës për të shmangur mundësinë që të ndikojë në gjumin tuaj natën.
Duke ndjekur këshilla të thjeshta dhe të dobishme për ushqyerjen, mund të shijoni sezonin festash dhe njëkohësisht të ruani shëndetin e sistemit tuaj tretës.
