Në konferencën për media në Podgoricë, mes kryeministrit Edi Rama dhe atij të Malit të Zi, Dritan Abazoviç, është komentuar situata në Kosovë dhe qëndrimet e kryeministrit Albin Kurti.
Abazoviç ka thënë se as për Kosovën dhe as për Serbinë nuk është i mirë një konflikt politik me ndërkombëtarët.
Sipas kryeministrit malazez, Kosova dhe Serbia duhet të qëndrojnë në marrëveshjen për normalizimin e raporteve, e arritur sipas planit franko-gjerman, për të cilin palët janë pajtuar në fund të shkurtit në Brukselit.
“Unë mendoj që cdo konflikt, qoftë ai politik, me ndërkombëtarët, nuk është i mirë as për Kosovën, as për Serbinë, por as për rajonin. Mendoj është harxhu një energji e madhe, një kohë e madhe për deri te një propozim. Ai propozim ndoshta nuk është përfekt, por është i mirë. Dhe mendoj se do të ishte mirë me shku drejt firmosjes së asaj marrëveshje. Dhe, mendoj se ai kishte qenë një boost i mirë për krejt rajonin, që më në fund jemi duke rënë dakord për diçka, e jo që jemi gjithçka më larg një marrëveshjes”, u shpreh Abazoviç.
