Diva e muzikës shqiptare Adelina Ismaili i ka munguar mediave rozë për më shumë së një vit që prej lindjes së djalit të saj Uiliks. E ftuar në emisionin “Thumb” të Aulonës dhe Fatmës, këngëtarja ka thënë shumë gjëra për jetën e saj.
Një prej tyre është dhe pengu më i madh i jetës. Vështirë të besohet se një këngëtare e madhe si ajo e ka një peng në jetë, por kështu ndodh për Adelina Ismailin. Por cili është pengu më i i madh i saj?
Diva e muzikës ka rrëfyer se pengu më i madh në jetën e saj është Kosova. Ajo sot e kësaj dite është zhgënjyer prej mentalitetit në Kosovë. Ajo ka shprehur se Kosova është një vend me njerëz mendjembyllur!
“Mbetet ai pengu që Kosova vazhdon të më zhgënjejë në aspektin e mentalitetit. Kam qenë e bindur se do të ishim më mendjehapur me njëri-tjetrin, gjeneratat e reja, më konkurrues mes vetes, por unë po shoh të kundërtën dhe kjo po më dhemb!”.
“Ky është pengu më i madh, që ndoshta ndonjëherë i them vetes, ok Adelinë, të gjitha i ke bërë në këtë jetë, por këto nuk ke mundur t’i futësh dikujt në kokë, që më mirë të jesh i hapur, i dashur, i arsimuar”. Po shoh tendencë tek të rinjtë për të kufizuar kreativitetin, dashurinë!”, ka rrëfyer Adelina gjatë intervistës së saj.
