Afërdita Dreshaj dhe Jakub Kindl u martuan vitin që shkoi, në një dasmë madhështore. Ata kurorëzuan dashurinë disavjeçare me martesë dhe lumturinë nuk nguruan ta ndajnë me të gjithë.
Që prej asaj kohe, këngëtarja udhëton shpesh me bashkëshortin e saj në vende të ndryshme të botës dhe një pjesë të momenteve krah tij i ndan më ndjekësit në ‘Instagram’.
Së fundmi, Afërdita ndau me të gjithë një foto ku shfaqen tre byzylykë dhe krahas saj falënderoi bashkëshortin për dhuratën.
Të tre bizhuteritë mbajnë emrin e firmës së njohur në të gjithë botën, ‘Cartier’ dhe nga një kërkim i thjeshtë në faqen zyrtare të kompanisë, të tre byzylykët së bashku kapin vlerën e plot 14.730 dollarëve.
