Automjetet elektrike duket se po gjejnë çdo ditë e më shumë përdorim të gjerë në vendin tonë.
Drejtoria e Përgjithshme e Shërbimit të Transportit Rrugor bën të ditur se gjatë muajit janar janë regjistruar për herë të parë 391 mjete elektrike.
Sipas DPSHTRR-së, numri i mjeteve elektrike të regjistruara për këtë periudhë rezulton 50% më i lartë, krahasuar me janarin 2024.
Në këtë periudhë 41% e mjeteve elektrike të regjistruara janë me 0 km. Në total janë 6769 automjete elektrike të regjistruara në vend.
Duke u ndalur te ndikimi në mjedis, falë përdorimit të mjeteve elektrike, DPSHTRR bën të ditur se kjo gjë ka sjellë emetimin e 516.120 kg CO2 më pak përgjatë një viti.
