Akademia e Shkencave ka reaguar pas miratimit të projektligjit për Akademinë e Shkencave që i jep Gjinushit drejtimin e saj përjetë.
Ndonëse miratimi u bë në kundërshtim rregulloren e kuvendit, Akademia akuzon pakicën e dhunshme dhe flet për rregullore të veten.
Në reagimin e bërë, Akademia e Shkencave thotë se i përcakton vetë rregullat e saj nëpërmjet Ligjit dhe Statutit të saj.
“Miratohet projektligji për Akademinë e Shkencave të Shqipërisë
Komisioni i Edukimit dhe Mjeteve të Informimit Publik voton ndryshimet
#AShSh
#KomisioniiEdukimitdheMjetevetëInformimitPublik
Miratohet në komision vullneti i shprehur nga 53 anëtarë të Asamblesë, me vendimmarrjen e saj të dates 5 korrik 2023 dhe opinionin mbështetës të datës 7 korrik.
Dështon bllokimi i paligjshëm i procedurës nga kryetarja e komisionit për të mos lejuar votimin.
Shumica vendos me votë dhe nuk ka nevojë për puçe. Puçe bëhen nga pakicat e dhunshme, duke shkelur parimet bazë të demokracisë.
Asambleja e Akademisë së Shkencave i përcakton vetë rregullat e funksionimit të saj, nëpërmjet Ligjit dhe Statutit të saj.
Organet drejtuese të ASHSH i zgjedh Asambleja me votë, jo ligji.
Ndërhyrje politike është bllokimi i vullnetit të Asamblesë, jo votimi e mbështetja e tij”, thuhet në reagimin e bërë.
