Një aksident i rëndë është regjistruar pasditen e sotme në aksin Korçë-Maliq. 

Mësohet se ngjarja ka ndodhur në afërsi të urës së Bulgarecit, ku një mjet tip “Sharon” është përplasur me një kamion, dhe të dyja mjetet kanë dalë jashtë rruge duke u përmbysur.

Paraprakisht dyshohet se drejtuesi i mjetit të vogël ka marrë dëmtime dhe po transportohet drejt spitalit të Korçës për ndihmë mjekësore.

Policia ka mbërritur në vendngjarje dhe po punon për zbardhjen e rrethanave të aksidentit.