Një aksident i rëndë ka ndodhur në orët e para të mëngjesit të sotëm, në Morolense, në zonën Supino (Frosinone), në Itali.

Një “Ford Focus” doli nga rruga, e si pasojë e aksidentit një 32-vjeçar me origjinë shqiptare, por banues në Alatri ka humbur jetën.

Tre djem të tjerë me të janë dërguar në spitalin e Frosinone në gjendje të rëndë. Karabinierët e stacionit Supino ndërhynë në vendngjarje me kolegët nga Policia e Frosinones, zjarrfikësit dhe operatorët 118.