Një aksident i rëndë ka ndodhur mbrëmjen e sotme në aksin Lushnjë-Berat, në Kashtebardh.
Mësohet se në aksident është përfshirë një autobot i mbushur me karburant dhe një mjet bujqësor, të cilët janë përplasur, duke bërë që autoboti të përmbyset. Drejtuesi i automjetit ka mbetur i bllokuar, ndërsa siç duket edhe në pamje qytetarët po japin ndihmë për nxjerrjen e drejtuesit të mjetit.
Zjarrfikëset dhe policia ndodhen në vendngjarje, teksa vijon puna për të nxjerrë jashtë shoferin, dhe për të zbardhur të plota rrethanat e aksidentit.
