Një aksident pak i pazakontë, ku kanë mbetur të përfshira dy automjete dhe dy kafshë, është regjistruar mbrëmjen e sotme në Durrës, në aksin rrugor që të çon drejt Kampusit Universitar.
Siç duket nga pamjet filmike të videos së mëposhtme, dy automjetet kanë pësuar dëmtime të shumta, madje njëri prej tyre ka përfunduar mbi barrierat ndarëse.
Fatmirësisht, personat që udhëtonin me dy mjetet e aksidentuara ndodhen në spital, pa lëndime të mëdha.
Në aksident kanë mbetur të përfshira edhe një lopë dhe një kalë, që nga përplasja e fortë me makinat kanë ngordhur në mes të rrugës.
Në vendngjarje, ka mbërritur krahas efektivëve të Policisë Rrugore edhe një mjet zjarrfikës.
Grupi hetimor po punon për zbardhjen e dinamikës së aksidentit.
