Një aksident ka ndodhur pak minuta më parë në aksin rrugor Fier-Levan, ku 3 automjete janë përfshirë në një aksident të rëndë. Sipas dëshmive nga vendngjarja, mësohet se një autobot është bërë shkak për aksidentin, pasi i ka prerë rrugën njërit prej automjeteve që vinte përballë. Për këtë arsye dy automjete janë përplasur me njëri-tjetrin duke shkaktuar 3 të plagosur. Ata janë dërguar në urgjencën e spitalit të Fierit ku po marrin ndihmën mjekësore. Në vendngjarje kanë mbërritur efektivët e policisë rrugore dhe po kryejnë veprimet proceduriale.