Një person ka humbur jetën si pasojë e një aksidenti të ndodhur mëngjesin e sotëm. Ngjarja ka ndodhur në periferi në Qafë Kashar, ku si pasojë e përplasjes së dy mjeteve ka humbur jetën njëri prej drejtuesve, 41-vjeçari F. Zogu, i cili ndërroi jetë në spital.
“Mjeti me targa AA 554 JM, me drejtues shtetasin me iniciale L. F, i cili është dëmtuar dhe ndodhet në spital jashtë rrezikut për jetën, është përplasur me mjetin me targa AA 099LG, me drejtues shtetasin F. Zogu, 41 vjeç, i cili ndërroi jetë në spital, si edhe shtetasi me iniciale N.Ll, 31 vjeç, jashtë rrezikut për jetën”, njofton policia.
Efektivët e policisë ndodhen në vendin e ngjarjes, ku po kryhen hetime lidhur me shkaqet e aksidentit.
