(Foto nga vendi i ngjarjes)
Një aksident tragjik është regjistruar në aksin rrugor Kavajë – Rrogozhinë, pranë Gosës, ku për pasojë kanë ndërruar jetë 3 të rinj, dy djem dhe një vajzë.
Ngjarja ka ndodhur mëngjesin e sotëm dhe sipas informacioneve paraprake mësohet se automjeti tip Golf II, në të cilin udhëtonin tre të rinjtë, ka dalë nga rruga dhe ka rënë në një kanal me ujë.
Policia ka identifikuar dhe viktimat, të cilët janë Viron Kamberaj 27 vjeç, (drejtuesi i automjetit), Matilda Kule 32 vjeçe, dhe Kledi Xhapexhiu 22 vjeç, të tre nga Lushnja. Policia thotë se 3 të rinjtë kishin festuar mbrëmë deri vonë në një lokal dhe dyshohet se ishin në gjendje të dehur.
Efektivët ndërkohë po hetojnë mbi zbardhjen e rrethanave të këtij aksidenti fatal.
