Policia e Durrësit ka dhënë informacionin zyrtar për aksidentin tragjik të ndodhur mbrëmjen e sotme në sektorin Rinia.
Viktimë e aksidentit ka mbetur 45-vjeçari A.V., i cili është përplasur nga një mjet tip "Benz" me drejtues shtetasin F.L. Drejtuesi i mjetit është shoqëruar në polici.
Njoftimi i policisë:
Durrës/ Informacion paraprak
Me datë 30.10.2019, rreth orës 21:00, në sektorin “Rinia”, Durrës, shtetasi F.L.,47 vjeç, banues në Durrës, duke drejtuar mjetin tip benz, ka aksidentuar shtetasin me biçikletë, A.V., 45 vjeç, banues në Durrës, i cili ka ndërruar jetë.
Drejtuesi i mjetit është shoqëruar në ambientet e policisë për veprime të mëtejshme.
Në vendngjarje ndodhet grupi hetimor për të përcaktuar shkakun e aksidentit.
