Një aksident ka ndodhur mëngjesin e sotëm në Durrës, ku shtetasja me iniciale G.C, në rrugën “Martin Camaj”, ka aksidentuar biçiklistin me iniciale R.M., rreth 60-vjeç.
I aksidentuari është transportuar në spital dhe ndodhet jashtë rrezikut për jetën.
Ndërsa drejtuesja e mjetit është shoqëruar në ambientet e Policisë për veprime të mëtejshme.
NJOFTIMI I POLICISË:
Durrës/Informacion paraprak
Më datë 04.08.2021, në orën 10:10, në rrugën “Martin Camaj” shtetësja G. C., duke drejtuar mjetin tip “Benz”, ka aksidentuar biçiklisitin shtetasin R. M., rreth 60 vjeç, i cili ndodhet nën kujdesin e mjekëve.
Drejtuesja e mjetit është shoqëruar në ambientet e Policisë për veprime të mëtejshme.
Grupi hetimor ndodhet në vendngjarje dhe po punon për zbardhjen e rrethanave të aksidentit.
