Ajo është një aktore mjaft e njohur dhe e dashur.
Nëpërmjet rolit të saj të fundit me të cilin u prezantua tek publiku shqiptar, arriti të fitojë zemrat e të gjithëve.
Bëhet fjalë për aktoren e njohur turke Nurgul Yesilçay, e cila do të fitojë 60 mijë euro pa ‘hapur gojën’.
Ky është titulli i mediave turke të lidhje me fitimet e aktores së njohur si Gylsereni i “Fate të Kryqëzuara” nga një projekt iranian.
Sipas “Sabah”, Yesilçay do të udhëtojë drejt Iranit këtë javë për të marrë pjesë në xhirimet e filmit “Xhindi i bukur i Jedullah”, të producentit Bayram Fazli.
Mësohet se aktorja 41-vjeçare do të qëndrojë një muaj në kryeqytetin e Iranit, Teheran, ku do të luajë rolin e Dilarës, e cila si pasojë e një traume që ka kaluar, nuk flet dot.
